КОЦУР – У Библиотеки у Коцуре вчера вечар отримана промоция трох нових кнїжкох на сербским язику Коцурца Милана Добровольского Ранчера. Представени кнїжки поезиї „Од глупосци по мудросц”, кнїжка любовней поезиї „Коцано, писньо моя над писнями” и кнїжка за дзеци „Ми исти”.
О поезиї Добровольского бешедовал проф. др Михайло Фейса, як и сам автор. Обидвоме читали поезию з кнїжкох за старших, док з його першей збирки за дзеци писнї читали школяре коцурскей ОШ „Братство єдинство”.
На законченю програми автор присутним нащивительом подаровал прикладнїки своїх кнїжкох, а на промоциї Танита Ходак одшпивала два шпиванки.