Червинка/Кула – У Червинки и Кули нєшка и на ютре будзе отримана 55. Зонска смотра дзецинскей театралней творчосци, на хторей участвую 11 представи з Крущичу, Оджаку, Кляїчева, Ґакова, Сонти, Апатину, Жаблю, два з Кули, Руского Керестура и з Пиньвиц.
У Червинским Доме култури нєшка буду виведзени 6 представи, а у кулским Културним центре на ютре 5, медзи нїма и представа Драмского студия „АРТ” керестурского Дому култури „Як настали бридки слова” Душка Радовича, у режиї Ксениї Бодянєц. Представа дзецох з Керестура у Кули будзе на 13 годзин.
Орґанизаторе и домашнї Смотри Союз аматерох Войводини и Културно-просвитна заєднїца Општини Кула.
Младежска представа Драмского студия „АРТ” Дому култури Руски Керестур „Врацим ше по вашо души“ Стивена Кинґа, у режиї Владимира Надя Ачима, зоз прешлого тижня законченей Зонскей смотри, пласовала ше на покраїнске змаганє – на Войводянски младежски театрални фестивал, хтори у Кули будзе од 9. по 11. май.