ШИД – Лїстина за локални виберанки у шидскей општини „Час за шорових людзох”, хтору творя Демократска странка (ДС), Лиґа социялдемократох Войводини (ЛСВ), Социялдемократска странка (СДС), Желєна еколоґийна партия-Желєни и Либерално демократска партия (ЛДП), зоз своїм штандом вчера отримала промоцию на уходзе до „ Желєного пияцу”, дзе гражданом дзелєни пропаґандни материял.
У мено коалициї предсидатель Општинского одбору ДС Живан Мирич, перши на спомнутей лїстини, поволал гражданох же би вишли на виберанки и на локалних виберанкох гласали за їх лїстину под числом штири хтора, як гварел, годна оможлївиц розвой Шиду и шидскей општини.