КОЦУР – Вербаски Городски музей у Доме култури у Коцуре вовторок, 12. априла, за школярох пиятей и седмей класи Основней школи „Братство єдинство” орґанизовал преподаванє о културному скарбу Вербасу.
Преподавал кустос и историчар Боро Воїнович, котри през видео-презентацию бешедовал о културному скарбу Вербасу и других местох у вербаскей општини. Визначел и културни добра на тим просторе хтори защицени зоз законом.
Преподаванє орґанизоване у рамикох сериялу преподаваньох з исту тему у школох у Вербаше и местох у вербаскей општини, а у орґанизациї Городского музею Вербас.
