КОЦУР – Вчера школяре шестих класох Основней школи „Братство-єдинство” з Коцура мали нагоду послухац преподаванє о тим як наставаю и як ше треба справовац у елементарних нєпогодох, як цо то трeшенє жеми, вилїви и огнї.
Преподаванє у Коцуре и по других местох у Войводини орґанизує Каритас Сербиї, а преподавала Йована Лончаревич, специялиста за вилїви и трешеня жеми на Факултету за безпечносц.
Як за Рутенпрес виявела координаторка того проєкту у Каритасу Сербиї Єлена Анкич, проєкт орґанизовани пре превенцию чкодох хтори настали после прешлорочних вилївох, а преподаваня ше орґанизує за дзеци, понеже вони наша будучносц.