РУСКИ КЕРЕСТУР – У Основней и штреднєй школи „Петро Кузмяк” у Руским Керестуре вчера, 27. януара, на дзень Святого Сави, з пригодну шветочну програму означена школска слава.
На початку школяре-штредньошколци приказали обряд ламаня славского колача пред святительовим образом и запалєну швичку, а потим хор Школ, под руководительством професорки Лидиї Пашо ошпивал и святосавску гимну.
Школске швето по руски и по сербски шицким школяром и просвитним роботнїком повинчовала о. д. директора Школи Хелена Пашо Павлович.
У духу швета, зоз шпиванками, поезию и рециталом виведли школяре основней и штреднєй школи и школски хор, а музични точки и двойо школяре керестурского Оддзелєня Школи за основне музичне образованє.
Програму у физкултурней сали провадзели шицки школяре Школи, вєдно з просвитнима роботнїками и другима занятима.
