БЕОҐРАД – Директор Канцелариї за обнову и помоц вилятих подручох Марко Блаґоєвич гварел же ше рихта нови закон о управяню зоз ризиком од елементарних нєпогодох, а же тот рок будзе вшелїяк рок превенциї од шицких можлївих нєпогодох – вилївох, суши, каменцу, лядового дижджу, велького шнїгу и подобного.
У Беоґрадзе вчера почал медзинародни сход хторому тема охрана од природних катастрофох, а на хторей ше зишли фаховци же би на прикладох добрей пракси зоз жемох Европи и Евроазиї пробовали найсц ришенє и модел хтори на найлєпши способ будзе реґуловац тоту обласц у Сербиї.
За тоту намену опредзелєни вєдно 70 милиони динари, од чого 50 милиони зоз донацийох, а 20 милиони зоз кредиту Шветовей банки. У даскелїх городох плановане вибудовац нови обєкти за защиту од вилївох, очисциц одводни беґелї у Обреновцу, Сурчину и Новим Беоґрадзе, та набавка мобилней опреми за защиту од вилївох.