БЕОҐРАД – Скупштина Сербиї вчера прилапела Закон о системи плацох занятих у явним секторе, з хторим ше ушорює плаци за коло 500 000 занятих, а хторому циль же би шицки за исту роботу доставали исту плацу.
Зоз Законом ше ушорює плаци, надополнєня и други приманя державних службенїкох, занятих у полициї и Войску Сербиї, у орґанох хтори основала Влада Сербиї, як и у явних аґенцийох.
Закон о плацох ше почнє применьовац од 1. януара 2017. року, односно од 1. януара 2018. року за полицийних службенїкох, занятих у Войску Сербиї и у других службох безпечносци.