Приповедки за дзеци Владимира Сабо-Дайка записани и тонски

автор злк
965 Опатрене

КОЦУР – У коцурским Оддзелєню вербаскей Библиотеки „Данило Киш” вчера  отримана промоция авдио-записох приповедкох за дзеци з кнїжки „Ровнї цар”, нашого писателя Владимира Сабо-Дайка з Коцура.

Присутних привитала предсидателька Месного одбору Рускей Матки Моника Гарди, а програму водзела предсидателька Етно-клубу „Одняте од забуца” Аранка Медєши. Медєшова пририхтовала, а и сама участвовала у знїманю приповедкох, як и Юлиян Неваляни, Стеван Самочета, та Сара, Ребека и Давид Гардийово.

Публика, у хторей були школяре руских одзелєньох од першей по штварту класу ОШ и дзеци з предшколскей установи „Герлїчка”, на промоциї мала нагоду послухац даскельо приповедки з того компакт-диску, а о длугорочней роботи Владимира Сабо-Дайка у рускей култури упознал их професор др Михайло Фейса.

По законченю програми, учительки и воспитачки достали по прикладнїк компакт-диску „Ровнї цар”, же би го пущали дзецом на годзинох пестованя рускей култури.

5-Dajko-02

ПОВЯЗАНИ ТЕКСТИ