КУЛА – Општинска рада Кула на вчерайшей схадзки дала согласносци на плани роботи и финансийни плани Дому здравя Кула, Центру за социялну роботу, Општинскей орґанизациї Червеного крижу и Штабу за позарядово ситуациї Општини за 2015. рок, а прилапела и звити о роботи у прешлим року Червеного крижу, Здруженя за помоц ментално нєрозвитим особом „Плава птица”, як и спомнутого штабу.
Рада утвердзела Нарис одлуки о локалних административних таксох и таксох за пребуванє, як и доприносу за ушорйованє будовательней жеми и прешлїдзела их на явну розправу.
Дата согласносц и на вименки и дополнєня статутох явних и комуналних подприємствох у кулскей општини и Народней библиотеки Кула, як и на финансийни плани месних заєднцох, медзи нїма и керестурскей.
О шицких предлогох з вчерайшей, як и зоз скорейших схадзкох Општинскей ради, конєчни одлуки принєше Скупштина општини Кула, чия схадзка заказана за стреду, 11. фебруар.