Приємни вечар з музику и поезию

автор сас
1k Опатрене

ДЮРДЬОВ – Найновша збирки поезиї „Вселенска черкотка” Миколу Шанту вчера вечар представена и у Дюрдьове, одкаль писатель и родом. Окрем автора, на промоциї у Рускей школи бешедовали и Дюрдьовчанє – писатель Владимир Кочиш и рецензент кнїжки Ваня Дула.

Попри тим же пречитал даскельо писнї зоз своєй збирки, Шанта потолковал и цо за ньго значи поезия, як и хтору писню кому пошвецел.

Бешедуюци о авторови и його дїлу, Владимир Кочиш черкотку цали часц споминал як нїтку хтора медзисобно повязує шицки писнї и дацо цо нас провадзи цали живот – од черкоти за бавенє у дзецинстве по конєц живота – черкотанє, дзвонєнє дзвонох на церкви.

Ваня Дула Шантову поезию описал як способ любопитлївого припатраня з микро- перспективи нєба, або вселенских нєбесох, споминаюци же ше у каждей з писньох обявних у тей збирки поставя даяке питанє о смислу живота.

Програма на вецей заводи була преткана з музику Димитрия Цапа на ґитари.

9-Santa-02

ПОВЯЗАНИ ТЕКСТИ