ЗОМБОР – У шветочней сали Скупштини Городу Зомбор пондзелок, 6. юлия отримани приєм за школярох ґенерациї зоз шицких основних и штреднїх школох Заходнобачкого округу. На приєму були и школярки ґенерациї з Основней и зоз Штредней школи „Петро Кузмяк” з Руского Керестура Антония Монар и Марияна Колошняї.
Найлєпшим школяром у Округу награди и припознаня уручели представителє Министерства просвити, младежи и спорту и новинскей хижи „Политика”.
На приєм були поволани и директоре школох, фахово сотруднїки класни старшинове и родичи школярох, а керестурску Школу представяли директорка Хелена Пашо Павлович и єй заменїца Мария Шанта.