СЕРБИЯ/РУСКИ КЕРЕСТУР – За школярох осмих класох того року будзе вименєна система бодованя на закончуюцим испиту, та шицки три тести буду ношиц 30 боди, место дотерашнїх 40. Ище вше нє утвердзени датум покладаня, алє познате же „ґенерална проба” будзе 24. и 25. априла.
Збирки задаткох зоз сербского, односно мацеринского язика, дзе и з руского, та з математики и комбинованого тесту вєдно коштаю 600 динари, а мож их купиц и поєдинєчно.
У Руским Керестуре збирки за пририхтованє орґанизовано, прейґ Школи, поручели 40-еро школяре, а до Кнїжарнї „Линеа” вироятно сцигню початком идуцого тижня.