ВЕРБАС – Вчера вечар Руски народни театер „Петро Ризнич Дядя” зоз свою найновшу представу „Цо видзела послуга” Джоа Ортона, у режиї Владимира Надя Ачима, госцовал у Вербаше.
То було перше госцованє тей представи после єй премиєри на матичней сцени у Руским Керестуре, а вербаска публика барз крашнє прилапела тоту комедию, хтора зоз замену идентитетох бешедує о моралних девияцийох и деформацийох у висших пасмох дружтва.
Режисер Владимир Надь Ачим з тей нагоди гварел же було потребне видзиц и як публика у других местох реаґує на найновшу представу нашого националного театру, як и же госцованє тей представи плановане и у Дюрдьове, будзе виведзена на тогорочним Драмским мемориялє, а можлїве же будзе знята и за РТВ.
