СТАРИ ВЕРБАС – У Церкви Покрова Пресвятей Богородици у Старим Вербаше, у присустве красного числа вирних, парох о. Алексий Гудак на Вилїю, 6. януара, Всеночне служел од 21 годзин.
На Перши дзень Крачуна 7. януара, мала Служба Божа була на 8 годзин, а велька, шпивана Служба Божа була на 10 годзин. На служби о. Гудак пречитал Крачунску винчованку преосвященого владики кир Георгия Джуджара, а по Служби було мированє.
Служби на Други и Треци дзень Крачуна буду на 8 и на 10 годзин.
Шпиваче у Старим Вербаше ходзели по шпиваню на Вилїю и на Перши дзень Крачуна.
