ДЮРДЬОВ – Церковни хор „Розанов” з Дюрдьова того викенду госцує у Нємецкей, на 37. Медзинародним музичним проєкту з назву „Всеночне бдиниє опус 37 Серґея В. Рахманїнова”, за хторе фаховци тримаю же то найвекше музичне дїло у обласци духовней музики у Русиї.
На соботу, 16. априла буду шпивац у церкви Доброго пастира у Битиґгайм-Бисинґену, а ютредзень, 17. априла, у церкви Св. Томаса Моруса у Лудвиґсбурґ-Еґлосгайму.
У програми участвую и церковни хор римокатолїцкей церкви Св. Павла у Лудвиґсбурґу, русийско-православни хор „Данил” з Москви и визначни солисти з Русиї.
Орґанизатор и ношитель проєкту дириґент Винфрид Бентеле з Лудвиґсбурґу.