ОДЖАК – Медзи найлєпшима спортистами и клубами у општини Оджак, хтори по 40. раз преглашени прешлого пиятку, за найуспишнєйшу спортску манифестацию преглашени Рукометни камп – школа Оджак 2014., чий инициятор и орґанизатор рукометни тренер РК „Диронь” Славко Надь з Руского Керестура.
Припознанє Рукометному кампу-школи уручене по його пейцрочней роботи з рукометашками з општинох Оджак и Кула, а з финансийну потримовку обидвох локалних самоуправох.
У дзешецдньовей школи кажди рок участвовало вше векше число, найвецей рукометашкох, пар роки и рукометашох основношколского возросту и влонї их було 112.
Школа приводзи и визначних рукометних фаховцох, од општинского по войводянски и републични уровень, та ма и високи квалитет роботи.