РУСКИ КЕРЕСТУР – У просторийох Спортского дружтва „Русин” вчера, 30. децембра, отримана Рочна скупштина Карате-клубу, на хторей за найуспишнєйшу каратистку у тим року преглашена Сара Планчак, хтора у 2014. року мала 25 побиди и освоєла 16 медалї, з чого 11 златни.
Найлєпша каратиска у сениорскей конкуренциї того року була Вероника Юрич, а у катох, у пионирскей конкуренциї, Марина Надь.
На Скупштини наглашене же у 2014. року КК „Русин” участвовал на 11 змаганьох, а млади керестурски каратисти освоєли вєдно аж 62 медалї.
На Купу Войводини КК „Русин” бул осми, на Купу Сербиї 13., на Першенстве Войводини 10., а на Першенстве Сербиї седемнасти.
Шлїдуюци, 2015. рок за Клуб ювилейни, понеже ше наполня 40 роки як постої карате у Керестуре, и 35 роки снованя КК „Русин”.