РУСКИ КЕРЕСТУР – Святого Миколая, после Служби Божей и Всеночного, вчера дочекал полни храм дзецох и родичох. Дзеци го привитали зоз шпиванками и потвердзеньом же и того року були добри.
Стретнуц ше з св. Миколайом пожадали 312 дзеци, а вон им подзелєл дарунки – пакецики котри му помогли порихтац волонтере Каритасу.
Святи Миколай за живота даровал тим котри були у потреби, та так пакецики подаровани и шейдзешацецерим дзецом, дзекуюци вирним котри ше за тото остарали.
Програму святому Миколайови и присутним пририхтали виронаучни дзеци зоз ш. Авґустину Илюк и ш. Анастасию Ришко.
