КОЦУР – На порядней схадзки Школского одбору (ШО) 5. януара, директорка Основней школи „Братство єдинство” у Коцуре дала задзекованє на тоту функцию и од нєшка окончователька длужносци директора Школи Славица Байор, наставнїца информатики у тей Школи.
Директорка задзековала пре одход до иножемства, а за окончователя длужносци директора на схадзки ШО була предложена и Ксения Медєши, дакедишня директорка коцурскей школи, медзитим Байорова достала векшину гласох.
Байорова як о.д. директора може буц найдлужей 6 мешаци, а за тот час ШО длужни розписац конкурс и вибрац нового директора Школи. Обовязки наставнїци информатики место Байоровей превежнє Ана Русковски, тиж наставнїца информатики.
И коцурска Школа до другого полроча уходзи зоз штрайком просвитних роботнїкох, та годзини и далєй буду скрацени на 30 минути.