РУСКИ КЕРЕСТУР – Члени Месного одбору Сербскей напредней странки (МО СНС) з Руского Керестура вчера до керестурского Оддзелєня „Цицибан” ПУ „Бамби” однєсли бависка, як дарунки у рамикох акциї тей странки на уровню цалей кулскей општини.
Як дознаваме од координатора акциї у Керестуре, подпредсидателя МО СНС Иґора Фейдия, Општински одбор странки обезпечел 51 бависко-моторочку на три колєска и тельо кнїжки поезиї за дзеци „Любим маму, навиям за тату” червинского поети Милана Мрдаля.
Дарунки по шицких „Бамбийових” оддзелєньох розподзелєла директорка Установи Весна Йовович, а до керестурского „Цицибану” вчера подаровани 7 моторочки и 7 кнїжки, хтори уручени дзецом у двох воспитних ґрупох, возросту од 3 до 5 роки.
Дарунки дзень пред тим уручени дзецом у Кули, а тих дньох буду подзелєни и у других оддзелєньох ПУ „Бамби” у местох општини.