РУСКИ КЕРЕСТУР – На керестурским теметове вчера дата почесц бувшому професорови у керестурскей Ґимназиї, визначному роботнїкови у култури и явним живоце Руснацох у Войводини и Сербиї и писательови Владимирови Бесерминьови, як спомин на рок його упокоєня.
Владимир Бесерминї умар 20. марца 2014. року у свом 68. року живота, и з нагоди рочнїци упокоєня квеце на його гроб вчера положели представителкє керестурского Дому култури, Школи „Петро Кузмяк” и РНТ „Петро Ризнич Дядя”, вєдно з його супругу Зузану.
Слова здогадованя на покойного Бесерминя при гробе виповедли Михайло Зазуляк и Йоаким Рац, а Зазуляк пречитал и два писнї Владимира Бесерминя.
