НОВИ САД – Покраїнски секретар за польопривреду, водопривреду и лєсарство Вук Радоєвич прешлого тижня уручел 29 контракти статкаром з Войводини котрим одобрени безповратни средства за набавку опреми за фарми живини, швиньох и рогатого статку.
– З тима контрактами у 2016. року за набавку опреми за фарми статку одобрени вєдно 50 прияви, вредносци 29,8 милиони динари, та потрошени скоро шицки средства хтори плановани за тоту намену – гварел Радоєвич.
Покраїнски секретар додал же польопривреднїки можу конкуровац за средства Фонду за розвой польопривреди, а ресорни секретарият запровадзує и други мири за подзвигованє капацитету фармох и уровню статкарскей продукциї, як цо то потримовка за набавку опреми за мини-млєкарнї и мини месарнї.
Радоєвич наявел же у 2017. року буду иншаки условия за конкурованє и правилнїк, пре транспарентнєйше трошенє пенєжу.