ЗОМБОР – Штредньошколци по конєц януара можу конкуровац за стипендию язичного пребуваня у нємецкей покраїни Баден-Виртенберґ, дзе буду ходзиц до ґимназиї, а пребувац у фамелийох.
Стипендия подрозумє обезпечованє осиґураня, мешачну драгову карту у Нємецкей, драгово трошки одходу зоз Штутґарту до фамелиї и врацанє до Штутґарту. Тиж и вецейдньове пребуванє у Штутґарту – трошки ноцованя у доме, костиранє, културну програму и дводньову роботню, док драгово трошки Сербия-Нємецка стипендисти плаца сами.
Стипендованє и орґанизацию витворює здруженє „Швабен Интернационал”, а финансує ше з буджету Влади Союзней Републики Нємецкей и Фондациї за културу Подунайских Швабох з покраїни Баден-Виртенберґ.
Конкурсну документацию треба комплетно пополнїц, подписац и послац по 31. януар, на адресу: Здруженє Нємцох „Ґерхард”, Матиї Ґупца бб 25 000 Зомбор.
Шицки информациї о потребних условийох може опатриц на сайту www.komsijskenovosti.rs/vesti.html, лєбо писац на мейл адресу st.gerhard@mts.rs