Студенти перше нащивели Коцур

автор злк
1.1k Опатрене

КОЦУР – Пред приходом до Керестура, студенти котри на Одсеку за русинистику виучую руски язик як виборни предмет вчера дополадня перше нащивели Коцур, дзе ше з руским скарбом и културу стретли у Етно-клубу „Одняте од забуца”, з чим их упознала Рада Лазор.

У Коцуре нащивели и нашу церкву Успения Пресвятей Богородици, дзе их привитал и о церкви бешедовал парох о. Владислав Рац, док историчар Сашо Сабадош студентох упознал з историю присельованя Руснацох до Коцура и їх тутейшу просвитну и културну дїялносцу.

Окрем студентох зоз Сербиї, на тей екскурзиї у Коцуре и Руским Керестуре були и двойо студенти з Прешова, зоз Словацкей, котри на черанки студентох на новосадским Филозофским факултету, як и студент з Япону Канаме Окано, котри на Филозофскимк факултету у Новим Садзе пририхтує докторску дисертацию. Зоз студентами були и лекторка за словацки язик Марта Соучкова з Прешова.

ПОВЯЗАНИ ТЕКСТИ