Гоч сезона обераня паприґи почнє штредком авґуста, керестурски паприґаре ше уж пририхтую и пребераю мири защити же би паприґа до остатнєй хвильки була защицена. Того року найвецей чкоди годна спричинїц суша хтора у другей половки юлия залапела тоти простори.
Парасти и фаховци зоз терену оценюю же у тим року нє будзе барз вельо паприґи першей класи, гоч у одношеню на прешли рок єст вельо вецей поверхносци под тоту културу.
По нєурядових податкох, влонї було од 400 до 500 гольти поверхносци под паприґу, а того року вона звекшана на 700 до 800 гольти. Велї стари продукователє одлучели звекшац продукцию, а пре винїмково успишни прешли рок, велї ше и одшмелєли постац паприґаре.
Цали текст пречитаце у 30. чишлє наших новинох.