Тамара Хрин достала першу награду на Фестивалє „Душко Трифунович”

автор маз
841 Опатрене

НОВИ САД – Наша млада поетеса Тамара Хрин з Руского Керестура достала першу награду за поезию у катеґориї до 30 рокох на Дзевятим Медзинародним фестивалє поезиї и краткей приповедки дзецох и младих „Душко Трифунович”, хтори пияток,  4. септембра, отримани у Библиотеки „Стеван Сремац” у Новим Садзе, а у орґанизациї „Сцени шицких креативних” („Сцена свих креативних”).

Тамара награду ровномирно дзелї з ище штирома поетами з нашей жеми и жемох у реґиону.

Исти дзень бул отримани и Штварти Медзинародни фестивал поезиї и краткей приповедки „Михайло Ковач”, дзе тиж додзелєни награди вибрани на конкурсу, а на хторим Тамара пречитала Ковачово твори на руским и на сербским язику.

Хриновей то нє перша награда за поезию, а єдну зоз значнєйших достала прешлого року на Фестивалє поезиї младих у Вербаше, та єй як першонаградзеней того року видрукована и кнїжка на сербским язику „Седма фарма нєба” („Седма боја неба”).

 3-Tamara-02

ПОВЯЗАНИ ТЕКСТИ