Тогорочна „Веселинка” и гуманитарного характеру

автор нмм/зам
878 Опатрене

НОВИ САД – На соботу, 13. юния, на Лєтнєй бини Руского културного центру (РКЦ) у Новим Садзе (Йована Суботича 8), будзе отримани 14. Фестивал дзецинскей творчосци Руснацох Войводини „Веселинка”. Фестивал того року ма и гуманитарни характер, понеже участвує у акциї за помоц дзецом з ивалидитетом „Зоз затичку до ошмиху”, та орґанизаторе з РКЦ модля шицких нащивительох и учашнїкох же би принєсли и по даскельо пластични затички.

Плановане же на „Веселинки” буду участвовац вецей як 210 дзеци з наших школох и КУД и їх учителє и наставнїки, та подобово и сценски уметнїки, музичаре и ґлумци, понеже Фестивал задумани як мултикултуралне стретнуце и нагода за друженє медзи собу и з припаднїками других националних заєднїцох.

„Веселинка” на соботу почнє на 17 годзин з рижнима роботнями за дзеци, и того року за наймладших предвидзени интерактивни музични перформанс „Мистер Твистер”, а на 20 годзин почнє вечарша програма колажного типу.

На уходзе кажде дзецко достанє пакецик и бони за ошвиженє.

ПОВЯЗАНИ ТЕКСТИ