Україна финансийно потрима виданя „Руского слова”

автор ядю, фото вев
1.1k Опатрене

НОВИ САД – Амбасадор України у Републики Сербиї Олександер Александрович, вєдно зоз своїма помоцнїцами Наталию Маркевич и Дарю Гариб, вчера нащивели НВУ „Руске слово” у Новим Садзе.

Пан Александрович поинформовал директора Установи др Бориса Варґу о тим же держава Україна финансийно потрима НВУ „Руске слово”, односно вецей кнїжки котри того року обяви Видавательна редакция.

НВУ „Руске слово” концом 2018. року конкуровала за средства до Министерства вонкашнїх дїлох України, наглашуюци же Установа преходзи през вельки финансийни почежкосци, окреме у видавательстве.

На стретнуцу були присутни представнїца Управного одбору Блажена Хома Цветкович, редакторка онлайн виданьох Ясмина Дюранїн, редактор Часописа за литературу, културу и уметносц „Шветлосц” Микола Цап и редактор Видавательней дїялносци Микола Шанта.

Перши средства на рахунок НВУ „Руске слово” наявени у марцу, после проєкциї трошкох.

ПОВЯЗАНИ ТЕКСТИ