БАЧКА ТОПОЛЯ – Од 9. по 11. септембер у Бачкей Тополї отримани Саям польопривреди и привреди ЕXPO 2016 Бачка Тополя-Topolya, на хторим ше представели вецей як 200 викладателє зоз Сербиї, Мадярскей, Словацкей и Румуниї.
Саям отворел подпредсидатель Покраїнскей влади и покраїнски секретар за образованє, предписаня, управу и национални меншини-заєднїци Михаль Нїлаш, котри визначел же ше Покраїнска влада, з пенєжу з хторим розполага, намага цо ефикаснєйше потримовац и мотивовац привредну дїялносц.
– Наш реґион ма богати привредни ресурси, а його жителє роботни, вредни и витирвали. То вредносци хтори у процесу европскей интеґрациї представяю можлївосц, средство и способ индивидуалного и колективного просперитету и доказ су же зме порихтани на дїлованє: нє започинаме, алє предлужуєме, преширюєме и розвиваме можлївосци – гварел Нїлаш.