ВЕРБАС – З нагоди Националного швета Руснацох, у Подручней канцелариї Националного совиту у Вербаше, односно у просторийох КПД „Карпати” всоботу, 16. януара орґанизоване друженє з полудзенком, а после турниру у столним тенису „Карпати опен 2016”.
Треци турнир у столним тенису „Карпати опен 2016” отримани у физкултурней сали Основней школи „Петар Петрович Нєґош”, участвовали 24 змагателє з Вербасу, Коцура и Нового Саду.
Кажди учашнїк од „Карпатох”достал Подзекованє, а побиднїки погари. Перше место освоєл Владимир Папуґа, друге Данил Намачински, треце Мартин Копривица – шицки з Вербасу, а штварти бул Владимир Маґоч з Коцура.
Попри КПД „Карпатох, як орґанизатора, отримованє турниру помогли ОШ „Петар Петрович Нєґош”, Центер за физичну културу „Драґо Йовович” и Александар Сабо.
