ДЮРДЬОВ – З нагоди Дня славянскей духовносци и култури, внєдзелю, 24. мая, на св. Кирила и Методия у грекокатолїцкей церкви Рождества Персвятей Богородици у Дюрдьова отримани концерт духовней музики.
Госцох на концерту привитал о. Михаил Холошняй, котри гварел же ше у дюрдьовскей парохиї тим двом учительом пошвецує вельку увагу, понеже су и защитнїки Стриберовей каплїчки на руским теметове. О значносци їх роботи и зохабеним шлїду у славянскей писменосци бешедовала Любица Отич, док о концерту духовней музики бешедовала панїматка Наташа Холошняй.
На програми участвовали домашнї Хор „Розанов”, котри шпивал церкославянски композициї и госцински Хор „Пасторала” зоз Жаблю, котри ше представел з духовну музику. По концерту за госцох и домашнїх орґанизоване друженє у парохийним доме.