У Керестуре будзе вецей паприґи

автор сен
1.2k Опатрене

РУСКИ КЕРЕСТУР – Керестурци початком марца почали дзвигац пластенїки и шац паприґу, хтора дотераз пошата на коло 90 одсто планованих поверхносцох. Дзепоєдним тоту роботу преложели части дижджи, алє обчекує ше же у наиходзацих дньох шаце будзе закончене.

Пре менєй шветлосци паприґа помали сходзи, алє зишло коровче, та тераз актуалне третированє з гербицидами.

– Того року будзе вельо вецей поверхносци под паприґу, насампредз под найглєданшу сорту „слоново ухо”. У продукциї ше опробую и дзепоєдни нови, а єст и стаемних паприґарох котри звекшую поверхносци – гварела Душица Орос зоз Здруженя паприґарох „Capsicum anuum”.

Паприґаре репроматириял – нашенє, гербициди, фолию и други потребни репроматериял беру на одплацованє. У валалє на седем местох мож на одложене плаценє вжац шицко цо потребне за снованє продукциї, а то углавним фирми и поєдинци котри ше занїмаю з дистрибуцию опреми и одкупом паприґи, лєбо польодїлских културох.

Окрем сотруднїцтва з дистрибутерами з Керестура, того року окреме вельке интересованє за кредити у репроматериялу хтори понука подприємство „Хемославия” з Нового Саду.

ПОВЯЗАНИ ТЕКСТИ