РУСКИ КЕРЕСТУР – У керестурскей парохиї св. оца Миколая нєшка будзе Перша Свята споведз, а на ютре и Перша Свята причасц, до хторих приступя 18 першопричашнїки – єденац хлапци и седем дзивчата.
Перша Споведз за дзеци, їх родичох и родзину у церкви будзе на 18 годзин, а Першу св. причасц шветочно приму на ютре у Дзецинскей Служби Божей на 11,30 годзин.
По Служби будзе процесийни обход зоз Святима тайнами коло Катедралней церкви, а дзеци буду „руцац свят”.