КОЦУР – Нови школски рок вчера почал и у Основней школи „Братство єдинство” у Коцуре, а до першей класи того року уписани штерацецеро школяре, од хторих пецеро буду слухац наставу на руским язику.
После школского дзвончку, на уходзе до школи школярох привитала директорка Славица Байор и пожадала им вельо щесца и успиху у тим школским року. Потим як старши школяре вошли до школи, учительки преволовали першокласнїкох хторих аж по школски лавки припровадзели родичи.
Школа тот школски рок дочекала порихтана, зоз новима лавками хтори на дарунок достала з Голандиї, и зоз ушоренима учальнями и обилєним голом. На драгох коло школи обновена горизонтална сиґнализация, а як Рутенпрес дознава од директорки, полиция будзе частейше патроловац коло школи под час приходу и одходу школярох зоз школи.
