КОЦУР – На пияток, 17. априла, у Коцуре буду отримани треци Днї театру, а тирваю през викенд, по 19. април. На манифестациї буду означени два ювилеї визначного коцурского ґлумца и режисера Дюру Макая – 40 роки його театралней творчосци, 45 роки роботи у култури и 60 роки живота.
Програма на пияток вечар почнє з отвераньом вистави, а през три днї буду приказани шейсц зняти представи хтори Дюра Макаї режирал з коцурскима аматерами. Шицки збуваня буду у Доме култури у Коцуре.