КОЦУР – У грекокатолїцкей церкви Успения пресвятей Богородици у Коцуре вчера, 10. фебруара, закончена побожносц модлєня Лурдескей дзевятнїци котру числени парохиянє модля каждого року.
Того року, як и предходних рокох, вирни коцурскей парохиї през дзевец днї модлєли пацерки и Молебен у церковней сали.
Лурдеску дзевятнїцу ше модлї пред нєзаповеданим шветом Лурдескей Мариї котре пада 11. фебруара. Тоти днї молитви и побожносци нагода же би ше парохиянє здогадли на дзень кед ше у Лурду Бернадети указала Мария.
По законченю Лурдескей дзевятнїци, Вечарши Служби Божо у грекокатолїцкей церкви у Коцуре ознова буду отримовани на 18 годзин.
