МАДЯРСКА – Часц автодраги медзи гранїчним преходом Горґош и Сеґедин вецей нє безплатна за воженє.
Як обявела РТВ „Панон”, од януара ше хаснованє тей часци автодраги наплацує зоз жупанийску матрицу, так же вожаче котри зоз Сербиї руша прейґ гранїчного преходу Горґош за Сеґедин, лєбо Морагалому, муша плациц и тото надополнєнє.
Од того року у Мадярскей почало функционованє новей системи наплацованя надополнєня за хаснованє драги, хторе подрозумює наплацованє воженя и на кратких погранїчних часцох. Так, кед ше сце хасновац лєм часц автодраги у одредзеней жупаниї, муши ше плациц за цалу жупанию, цо кошта коло 5 000 форинти, односно коло 2 000 динари, алє є за цали рок.
Предвидзен кара за тото потупенє 15 000 форинти, но покля система нє будзе цалком запровадзена, до конца януара будзе лєм 1 500 форинти, з тим же вожачох буду посилац най купя жупанийску матрицу.
Тоти котри нє жадаю плациц жупанийску матрицу, гранїцу можу прейсц на Баймоку, Келебиї, Бачких Виноґрадох и Дяли и хасновац реґионални, место автодраги.