НОВИ САД – Окрем хасновитих информацийох о наиходзацих виберанкох, рубрика „Тижньовнїк” у шеснастим тогорочним чишлє новинох „Руске слово” пише и о нєдавних активносцох Националного совиту Руснацох.
На „Наших местох” зазначени актуалносци зоз Шиду, Дюрдьова и Вербасу, а ту и информациї о отвераню „Етно-хижи” у Новим Орахове и пририхтованю за тогорочни „Керестурски саям”.
„Економия” пише о роботи польодїлцох у Дюрдьове и з якима ше услужнима дїялносцами занїма Славко Гарди з Керестура, док „Култура и просвита” звекшого пошвецена 48. Драмскому мемориялу Петра Ризниля Дядї у Руским Керестуре. Ту и текст о явней трибини отриманей у Вербаше.
У рубрики „Людзе, роки, живот”, у сериї написох „З другого боку творчосци” представени писатель Михеон Хун Кан, а „Духовни живот” понука текст о паломнїцтве Новосадянох до Медюґоря, як и о орґанизованим друженю парохиянох у Шидзе.
„Спорт” пише о обставинох у ФК „Славия” у Новим Орахове, а додаток у тим чишлє „Литературне слово”.