У новим „Руским слове”

автор ядю
1.2k Опатрене

НОВИ САД – У трицец першим тогорочним чишлє новинох „Руске слово” рубрика „Тижньовнїк” пише о кадрових пременкох у руских институцийох, а ту и напис о звекшаним чишлє миґрантох у шидскей општини.

О пририхтованю за керестурску привредно-туристично-културну манифестацию „Днї керестурскей паприґи”, новосцох зоз Шиду, як и о Водицовим кампу у Руским Керестуре пише на бокох рубрики „Нашо места”.

„Економия” у тим чишлє представя козметичарку Єлену Мали з Коцура, а ту и текст о продукциї брескиньох у Бикичу.

„Култура и просвита” представя нову кнїжку – „Капка ми ружа до ока” Звонимира Нярадия, у виданю НВУ „Руске слово”, ту и звит з Фестивалу „Лемковска ватра” у Польскей, а пренєшени и становиска о Руснацох Юстини Добуш, котра прешлого мешаца нащивела нашо места.

Рубрика „Людзе, роки, живот” читачом понука животну приповедку Юлиї и Звонимира Костелникових з Миклошевцох, а „Мозаїк” зазначел журку за младих „ПацтОН” у Керестуре и Акцию „Дай и ти свою руку” у Коцуре.

„Духовни живот” толкує яке значенє за вирнїкох ма Водица як тирваце одпустове место, а додаток у тим чишлє „Руске слово у швеце”.

ПОВЯЗАНИ ТЕКСТИ