НОВИ САД – Тогорочне трицец штварте число новинох „Руске слово” на бокох „Тижньовнїка” пише о вандализме на явних поверхносцох по наших местох и о Медзинародним сайму у Ґорнєй Радґони у Словениї на хторим ше представели и Керестурци.
О 17. Стретнуцу Керестурох у Мадярскей, утрагованю паушалних обрахункох за воду у Вербаше и о активносцох Здруженя женох „Байка” информує рубрика „Нашо места”.
„Култура и просвита” зазначела програми отримани у рамикох Манифестациї Днї рускей култури у Беоґрадзе, а окремну увагу пошвецела и 14. Фестивалу жридлового шпиваня „Най ше нє забудзе” у Дюрдьове.
„Духовни живот” пише о преслави Кирбаю у Шидзе и швета Преображенє, док рубрика „Людзе, роки, живот” понука напис о интересантней животней драги Звонка Грубеньового зоз Райового Села.
„Спорт” читачох упознава з двома младима фодбалскима судиями з Керестура.
Додаток у тим чишлє „Руске слово у швеце” у хторим интервю зоз амбасадором України у Сербиї Олександром Александровичом.