НОВИ САД – На Дзецинским тижню у Новим Садзе дзеци предшколского и школского возросту маю нагоду участвовац у рижних активносцох, як цо то безплатни школи спорту, музични роботнї и змаганя, та фамелийни роботнї и подобне.
На отвераню Дзецинского тижня наступел хор „До ре ми”, а отримана и явна годзина Атлетского клубу „Войводина”. Мото тогорочней манифестациї „Потримовка фамелиї – найлєпша потримовка дзецом”, а отвераюци Дзецински тидзень, член Городскей ради задлужени за социялну защиту и старосц о фамелиї и дзецох Никола Чирович визначел же фамелия основни слуп дружтва.
– Дзеци будучносц и основа держави и дружтва и нєобходне обезпечиц условия за витворйованє права каждого дзецка, же би одрастало у здравим фамелийним окруженю. Зоз шицкима образовнима и педаґоґийнима установами бизме мали робиц на злєпшаню положеня дзецох – поручел з тей нагоди Чирович.
Активносци за дзеци ше отримує на 70 локацийох у Новим Садзе, а програму Дзецинского тижня мож опатриц на сайту Городу Нови Сад www.novisad.rs.
