СРИМСКА МИТРОВИЦА/БЕОҐРАД – По словох пароха о. Владислава Варґи, у парохиї Вознесения Господнього у Сримскей Митровици, до хторей припадаю грекокатолїки Руснаци и Українци, у прешлим року покресцени 8-еро дзеци, цо за тройо вецей як рок пред тим, а повинчани 6 пари, цо за 2 вецей як 2013. року. Похована 21 особа, цо за пейц вецей як 2013. року.
У грекокатолїцкей парохиї св. Кирила и Методия у Беоґрадзе, дзе парох тиж о. Владислав Варґа, у прешлим року було лєм єдно кресценє, алє и то представя звекшанє тей парохия, понеже анї єдна особа нє похована.