НОВИ САД/СРИМСКА МИТРОВИЦА – У рамикох 24. „Дньох Миколи М. Кочиша”, хтори орґанизує Дружтво за руски язик, литературу и културу, нєшка будзе програма у Руским културним центре у Новим Садзе, а на ютре у Културним центре Сримскей Митровици.
У РКЦ у Новим Садзе нєшка на 13 годзин будзе отверанє вистави з 9. Подобовей колониї „Стретнуца у Боднарова”, а потим промоция фотомоноґрафиї Дюру Лїкара „Жвератко нашей младосци”, з програму КПД „Яким Ґовля” з Миклошевцох.
У Културним центре Сримскей Митровици (у улїци Вука Караджча), на ютре 12 годзин будзе отримана културно-уметнїцка програма з хтору будзе означена 70-рочнїца народзеня наставнїци музики Нади Адамович (Колєсар) зоз Сримскей Митровици, народзеней 1944. року у Бачинцох.
Пред тим, на 10. годзин, у церкви Вознесения Господнього о. Владислав Варґа будзе служиц Службу Божу за покойних членох Дружтва за руски язик з того городу.