НОВИ САД – Пред початком Руского фестивала малих сценских формох „Дюра Папгаргаї” у голу Ґимназиї „Лаза Костич”отворени два вистава роботох з тогорочних подобових колонийох у орґанизациї Етно-клубу „Одняте од забуца” и Месного одбору Рускей матки Коцур. Тематску виставу з нагоди означованя 250-рочнїци грекокатолїцкей церкви у Коцуре, як и виставу подобових роботох з мотивами нашого скарбу, отворел подобови уметнїк Владо Няради.
На отвераню вистави, як и на шветочним отвераню Фестивалу, у мено орґанизатора присутних привитал Миломир Шайтош, предсидатель Управного одбору Матки-Дружтва Руснацох Нового Саду-Войводини, котри з тей нагоди здогаднул и на инициятора Фестивалу Ярослава Сабола, а з трома рускима народнима шпиванками наступела и Хлопска шпивацка ґрупа Руского културного центру Нови Сад.
Тринасти Руски фестивал малих сценских формох „Дюра Папгаргаї” на театралней сцени у Ґимназиї урядово шветочно отворел член Городскей ради Нови Сад Золтан Горват, котри источашнє и предсидатель Фахового совиту за национални меншини и, медзи иншим, присутним пренєсол и поздрави городоначалнїка Милоша Вучевича.
