КОЦУР – У Доме култури у Коцуре вчера отримани привит за першокласнїкох котри на єшень почню ходзиц до першей класи Основней школи „Братство єдинство”. До першей класи того року буду уписани штерацец першокласнїки, спомедзи котрих пецеро до руского оддзелєня.
Програму за першокласнїкох пририхтали школяре од першей по штварту класу, вєдно зоз своїма учительками, а виведзени вецей сценски, музични и рецитаторски точки, по руски и по сербски.
За наставу на сербским язику буду оформени два оддзелєня, а буду их учиц учительки Мария Роквич Мудри и Єлена Буила, док руске оддзелєнє пребера учителька Славка Хромиш.