БЕОҐРАД – Од початку епидемиї у Сербиї коронавирус потвердзени при 34.193 особох, а од пошлїдкох умарли 758 людзе. Вкупно тестирани 1.173.582 прикладнїки. Як пишу медиї, понеже ше вирус шири по Европи и сушедних державох, у Сербиї ше од вчера применюю нови мири за погосцительни обєкти, тарґовински ланци и ремеселнїцки обєкти котри, по новим, робя по 23 годзин.
Огранїчованє роботного часу по 23 годзин, у сущносци пооштрованє мирох, понеже дзепоєдни обєкти, хтори маю заградки, могли робиц по годзину по пол ноци.
Компетентни и далєй апелую на шицких гражданох же би були одвичательни и притримовали ше предписаних мирох, бо ше на тот способ ситуация у Сербиї може тримац под контролу.