ШИД – На локалних виберанкох у шидскей општини з уписаних 30 876 гласачох гласали 17 352, лєбо 56,2 одсто, а по прелиминарних резултатох, найвецей гласи достала лїстина „Александар Вучич-Сербия победзує” – 470 гласи, цо 48,81 одсто и у будуцим зволаню Скупштини општини Шид будзе мац 23 зоз 39 одборнїкох.
Лїстина „Час за шорових людзох” коалициї ДС-ЛСВ-СДС-Желєна еколоґийна партия-Желєни-ЛДП достала 2 350 гласи, цо 13,54 одсто и будзе мац шейсц одборнїцки мандати, а лїстина „Др Воїслав Шешель-Сербска радикална странка” достала 2 114 гласи, лєбо 12,18 одсто, односно пейц мандати.
Лїстина „Ивица Дачич-Социялистична партия Сербиї-Єдинствена Сербия Драґан Маркович Палма” достала 1 799 гласи, лєбо 10,37 одсто и тиж пейц мандати.
Лїстини „Народни рух Динара-Дрина-Дунай”, „Сербски рух Двери-Демократска странка Серби” и „Сербска народна партия-Ненад Попович” нє прешли цензус.
Општинска виберанкова комисия би нєшка мала преглашиц резултати виберанкох за шицки виберанково уровнї.