СУБОТИЦА – Тих дньох, та по конєц мешаца, у Сербским културним центре „Свети Сава” у Суботици виложени подобово роботи Влади Нярадия з циклусу „Записи з Метеорох”.
Вистава отворена у рамикох манифестациї „Ноц музейох”, всоботу, представени 38 роботи, а часц виложених дїлох останє у власносци СКЦ „Свети Сава” дзе будзе твориц уметнїков леґат хтори облапя период помедзи 2013. и 2015. рок.
То 50. самостойна вистава Влади Нярадия, всоботу ю нащивели вецей як 2 тисячи особи. За саму виставу пририхтани каталоґ, а у нїм и єден з наших найзначнєйших подобових критичарох Деян Дьорич дал огляднуце на Нярадийово подобово роботи.
