РУСКИ КЕРЕСТУР – Туристи зоз Словениї свойо туристичне путованє по Войводини, внєдзелю 22. сетпембра, закончели у Ресторану „Червена ружаˮ, дзе им попри кухарских делицийох були понукнути и рижни продукти членох Туристичного здруженя „Руски Керестурˮ.
Госци, котри пришли зоз цалей Словениї прейґ Туристичней аґенциї „Алпетурˮ з Краню розличних и рокох и занїманьох, нащивели Войводину як цалосц. Гоч ту нє приходза першираз, приход до Руского Керестура як туристичней дестинациї понукнути першираз.
Як за Рутенпрес виявели Майда Тратник и Лилияна Єза, жаль им же нє мали можлївосци вецей обисц Керестур, алє визначую госцолюбивосц людзох.
Члени Здруженя женох „Байкаˮ, Михайо Фейди „Задолїнєцˮ и Микола Винаї понукли госцом свойо продукти и сувенири, та ше и тарґовело. Туристом, як визначели, окреме прицагуюци праве домашнї продукти без хемиї.
Заплановане же идуцого тижня Керестур нащиви ище єдна ґрупа туристох зоз Словениї.
